موضوع: ذكريـــــات الطفوله , لكن (الغير بريئه هههههه) الخميس سبتمبر 16, 2010 4:03 am
ذكريـــــات الطفوله , لكن (الغير بريئه هههههه)
موضوع جميل اوى..بشرط كلنا ندخل و نحكى مع بعض
من غير كسوف..و لا حرج..اكيد كلنا لينا مواقف مش حلوه و احنا صغيرين
و اكيـــــــــد كلنا فاكرينها ..الحاجات ديه بالذات لا يمكن تتنسى
و انا هابتدى بنفسى و احكيلكم موقف حصل معايا و انا صغير شويه..يعنى و انا ,,,
فى تانيه حضانه ههههههه..كنت لسه اربع سنين
اولا ..انا مكنش فيه بينى و بين المدارس عمار خالص...كنت بكرهها بشكل
لا يمكن تتخيلوه..لدرجه ان حارس المدرسه كان اول ما يشوفنى ,,يعرف انه هيسمع صوت الطرب الاصيل بتاع كل يوم..صويت على عياط على ترفيس على عاوز ماما مليش دعوه ههههههههههه
المهم ..بابا كان عارف انى لا يمكن اروح المدرسه لوحدى ..عشان كده كان بيبعت معايا اخويا الكبير
يوصلنى و بعدين يروح هو المدرسه بتاعته...
و فى يوم من الايام ... و كالعاده و اخويا بيوصلنى المدرسه..فرجت عليه الشارع ..و كل ما الاقى عمود او
اى حاجه ينفع امسك فيها ..كنت بمسكها
و هو يا عينى غلبان...يفضل يشد فيا هههههههههه
لحد ما جه اليوم الموعود.. و اخويا اتخنق منى يومها اوى...ساعتها اول ما قلتله مش عاوز اروح المدرسه..
بكل بساطه ..قالى عنك ما روحت ...و سابنى و راح مدرسته
قمت انا روحت البيت و انا فى طريق العوده قعدت افكر ...اقول لماما ايه هههههه(لاحظو ان سنى كان
لسه صغير اوى)
المهم ..اول ما ماما فتحت الباب و شافتنى...اتخضت ..قالتلى ايه اللى رجعك يبنى؟...قلتلها مردوش
يدخلونى المدرسه يا ماما هههههههههه
كنت فاكر ان المشكله كده خلصت و هادخل اكمل نوم ههههههههه
و كانت المفاجاه......ماما راحت صحت باب..قالتله اوووووووووووووم شوف مش راضين يدخلو ابنك
المدرسه
قام باب بسرعه و هو قلقان و متوتر طبعا..و خدنى من ايدى و رحنا المدرسه...و لكم ان تتخيلو شعورى
و انا ماشى مع بابا و رايحين نشوف الناس اللى مردوش يدخلونى المدرسه ههههههههههه
وصلنا المدرسه...قابلنا حارس المدرسه ..و يا ريتنا ما قابلناه..طبعا قال لبابا ..ابنك مجاش اساسا النهارده
باب بصلى بصه حلوه كده و قالى اتفضل ادخل و حسابنا لما ترجع من المدرسه..
مفيش داعى احكيلكم الباقى ..بالمختصر...فى اليوم ده عشت احداث فيلم اكشن
بس كنت انا الوحيد اللى كان بينضرب طول الفيلم
هههههههههههههههههههههههههه
يللا يا جماعه ..احكولنا على ذكريات الطفوله بتاعتكم عشان نضحك معاكم