قصيدة من تأليفى

[scroll]مش بالحصان الحلاوة هتكون كده خيّال!!
ولا بزواق العرايس تنضرب الامثال
ولا بمراكب مابتعومشى ولا بجمال
يبقى احتفالنا برسول الله وميلاده
وحالنا حال الردى ف القدس والصومال!!
**********
المسلم اللى ف مقديشيو انقطع قوته
حِسه اندفن غدر ماحدش سمع صوته
ألوف ف حُضن المجاعة يترموا يموتوا
والجلد والعضم متصور لنا إنسان
والمسلم اللى هنا نقطنا بسكوته !!
**********
وف غزة والضفة مفيش هناك مراجيح
فى يهود بيدبحوا ف المسلمين تدبيح
والقدس بات نُصها مرمى قتيل وجريح
دينهم،إيمانهم،أمانهم..فى مهب الريح
" الله أكبر " على المادنة ماتتقالشى ..؟!!
هدوا بيوت ربنا وبيخنقوا التسبيح!!
**********
والمسلمين زى ماهم من أصول وفروع
بالمصمصة ف الشفايف حققوا الموضوع
ما سمعنا عن نجدة طارت للّى هَدُّه الجوع !
ولا زكاة مال بعتها حَد للمحتاج !
إللى بتعاسة على باب الأمل ملطوع !
**********
فى مولد المصطفى غيروا على دينه
لا باغى يُغدر بدين الله ولا يهينه
لو ترفضوا البغى ! تتعدل موازينه
واللى هيسكت ويرضى البَغى . هندينه
اللى هيسكت ويرضى البَغى . هندينه
تاليف أ/ وائل عبد الحليم محمد

بجد جزاك الله خيرا يا ا/وائل والله نادر اوى لما بنلاقى حد فى الزمن ده بيألف شعر والله الشعر كله راااااااااائع وبجد ننتظر المزيد

الشكر لله وحدة بس عايز اعرف اجيب خلفيه صور ازاى لموضعى ممكن الرد

السلام عليكم ورحمه الله وبركاته
اولا
بقدم الشكر للاستاز وائل علي المجهود الرائع
وعلي القصيده الرائعه
ثانيه بقول له ان الشعر العامي له تقديره في زماننا
ثالثا كنت اتمني لو كان له شعر غير عمي لارتشف منه ومن عبق التاريخ العربي الاصيل
ما يروي ظمأنا في هذه الايام
التي نفتقد فيها الي الكلمات الشاعريه الاصيله
والي نبع الشعر العربي الاصيل و التاريخ الادبي للشعراء العرب
وشكرا علي المجهود الرائع