مسلم وافتخر عضو فعال
عدد المساهمات : 95 نقاط : 30564 السٌّمعَة : 0 تاريخ التسجيل : 02/09/2010
| موضوع: حمل الان اللعبه المصريه قبل اى حد اللعبة المصرية أبو حديد ( بوحه سابقا ) الخميس سبتمبر 02, 2010 5:25 am | |
| حمل الان اللعبه المصريه قبل اى حد اللعبة المصرية أبو حديد ( بوحه سابقا )
*** بسم الله الرحمن الرحيم ***تقرير شامل عن اللعبة المصرية أبو حديد ( بوحه سابقا ) مقدم من tefa_chan .السلام عليكم ورحمة الله وبركاتهأقدم لكم موضوع عن أول لعبة مصرية 100% , وليست كما كان يحدث من قبل , حيث تم تغيير أصوات أحد الألعاب وسموها (حرب امبابة) ..لا...هذه لعبة مصرية خالصة , يعنى أصوات مصرية , يعنى جو ريفى مصرى , يعنى أولاد أبو إسماعيل , يعنى " صبح صبح يا عم الحج " . صور اللعبة <TABLE id=ncode_imageresizer_warning_3 class=ncode_imageresizer_warning width=640> <TR> <td class=td1 width=20> </TD> <td class=td2 unselectable="on">تم تصغير هذه الصورة. اضغط هنا لعرض الحجم الاصلي. الحجم الاصلي هو800x600 and weights 101KB.</TD></TR></TABLE> مقدمة عن اللعبة (مقتبسة من الموقع الرسمى للعبة) الحكايه ببساطه إن أبوحديد لعبة كمبيوتر عربية ثلاثية الابعاد 3D , مستوحاه من البيئة المصريه ..
عربية يعنى أبطال القصة بيتكلموا عربى .. يعنى الأماكن ليها طابع مصرى .. يعنى الميكانيكى بيجرى ورا أبوحديد وبيقوله " فين الربع جنيه اللى عليك يا أبوحديد؟ " يعنى شومة بدل ال shotgun وعربية ميكروباص بدل العربية ال Porsche ويعنى فلاحين وصعايده بدل ال marines وال aliens . ده غير كمان انك ممكن تلعب مع أصحابك multiplayer بشخصيات أبوحديد المختلفه.. مش عاوزين نحرق اللعبة اكتر من كده ..
سؤال وجيه ؟؟
ليه بوحه " أصبح " أبوحديد " و" أبو إسماعيل " أصبح " أبو دومه "والإجابة عن ذلك , هى بالكامل , مقتبسة من الموقع الرسمى للعبة , عن لسان مصممى ومنتجى اللعبة , وباللهجة العامية المصرية .
تم تغيير إسم اللعبة لأبوحديد , بدلاً من بوحة.. هاحكلكوا بسرعة كده الأسباب , اللي ادت لكده..
لما جتلنا فكرة بوحة , رحنا للشركة المنتجة للفيلم ( النصر-الماسة-أوسكار) , وقعدنا مع الأستاذ محمد حسن رمزي , و عملنا له ديمو للفكرة , وعجبته جدا , واتفقنا شفهيا علي عمل اللعبة , وكمان طلع معانا في برنامج البيت بيتك , في التلفزيون المصري , وقال انه قد أيه معجب بالفكرة , وبالشباب و كلام من ده .. المهم بدأنا شغل في اللعبة , ولما قربنا نخلص , رجعنا للأستاذ رمزي اللي قال لنا , ان المسئول عن الحاجات دي هو الأستاذ هشام عبد الخالق (صاحب الماسة – كما نلاحظ انهم ثلاث شركات متضامنين : النصر , و الماسة , و أوسكار. (
المهم ، قعدنا مع الأستاذ هشام , اللي برضه أُعجب جدا بالفكرة والتنفيذ , وإختلفنا شوية علي النسبة اللي هياخدها , عشان التوزيع وحقوق الملكية الفكرية (لاحظوا ان ديه ناس ما دفعتش أى حاجة كاستثمار فى المشروع ، فالموضوع بالنسبلها مكسب من الهوا) ، المهم في الأخر , إتفقنا علي كل البنود و اساليب التوزيع ونسب تقسيم الأرباح الخ... و كانت نسبتهم في الموضوع مش قليلة..
وبعدين قالوا لنا إنهم هايراجعوا عقد الفيلم , عشان يفهموا مين اللي معاه الحقوق بالظبط , وإختفوا لفترة طويلة , ولما قدرنا نوصلهم تاني , قالوا لنا ان الشركاء إجتمعوا , وقرروا انهم مش هيدخلوا مجال الجيمز! ليه ؟ مش عايزين يقولوا السبب! طب ما قلتوش ليه من الأول؟؟ ده شغل سنتين تقريبا وتعب وسهر ليالي! ما فيش سبب واضح..
ناس قالت لنا , إن عشان الموضوع جديد , ماحدش عارف الحقوق مع مين ، مع السيناريست , ول مع ا محمد سعد ولا مع شركة الإنتاج ولا أيه .. و ناس قالت لنا , ده عشان الشركة متخانقة مع محمد سعد , عشان راح للسبكي , وناس قالت لنا , قانونا ما حدش ليه حقوق في حاجة , عشان الجيمز دي حاجة جديدة تماما عليهم ..
مش عارفين والله .. وقعدنا نحاول في كذا سكة , واتكلمنا مع مؤلف الفيلم نادر صلاح الدين , اللي كان متعاون جدا الصراحة .. و لقينا إن إحنا دخلنا في متاهات , وتضييع وقت , وإننا بالشكل ده مش هنزل اللعبة , ولا بعد ميت سنة .. و الحمد الله إن سيناريو اللعبة مالوش علاقه بالفيلم خالص , فقررنا كمان نغير إسم اللعبة من " بوحه وهلاوس مفتوحة " ل " أبو حديد " , ونغير شخصية الشرير فيها إلى " أبو دومه " بدل من " أبو إسماعيل " , لكننا سنستغل صوت النجم " محمد سعد " المستوحى من الفيلم فى بعض حوارات اللعبة , ليخدم ويثرى هذا العمل , ويزيد من نسبة رواجه ومعجبيه . وبعدين هننزل اللعبة , عشان نقدر نحكم , ها نعمل ألعاب كمبيوتر تاني , ولا كفاية علينا لحد كدة..
على العموم إحنا كنا متوقعين مشاكل طبعا ًذى ديه ، دي ضريبة بيدفعها أي حد يحاول يعمل حاجة جديدة في البلد ديه ..
بالمناسبة اللعبة زي ما هيا إلي حد كبير , وفيها نفس الأفكار الصايعة .. منها إن البطل أبو حديد ( بوحه سابقا ) , في مرحلة بيحاول يعدي الترعة , عشان يوصل لبيت العمدة .. وعشان يعرف يعدي الترعة لازم ياخد حبوب البلهارسيا من التمرجي المرتشي من الوحدة الصحية.. و في مرحلة تانية بيحاول يدمر المغارة بتاعة مطاريد الجبل.. و في مرحلة بيسابق بميكروباص الترامكوا , وبيركب حمار مدرع مسلح بميترليوز .
بوستر لعبة " بوحة وهلاوس مفتوحة " <TABLE id=ncode_imageresizer_warning_2 class=ncode_imageresizer_warning width=640> <TR> <td class=td1 width=20> </TD> <td class=td2 unselectable="on">تم تصغير هذه الصورة. اضغط هنا لعرض الحجم الاصلي. الحجم الاصلي هو754x552 and weights 100KB.</TD></TR></TABLE> بوستر لعبة " أبو حديد " بعض شخصيات اللعبةأهم الشخصيات المحورية , والتى تؤثر بقوة داخل هذا العمل الفنى الممتع .<TABLE id=ncode_imageresizer_warning_1 class=ncode_imageresizer_warning width=640> <TR> <td class=td1 width=20> </TD> <td class=td2 unselectable="on">تم تصغير هذه الصورة. اضغط هنا لعرض الحجم الاصلي. الحجم الاصلي هو656x599 and weights 95KB.</TD></TR></TABLE> شخصية البطل الجرىء بوحه " أبو حديد " الذى يعمل بالجزارة الحرة . هههههههه جزار من منازلهم .
شخصية سليمان الطيب .وهو من أصحاب بوحه المقربين . ومعه كذلك , كلا من سيد أذيه , ووائل , وثلاثتهم , بمثابة الأصحاب المقربين لبوحه , وبسببهم سيخوض بوحه غمار المعارك , والصراعات المريرة ضد ولاد أبو دومه وأعوانهم فى كل مكان .
شخصية الدموى الشرير أبو إسماعيل أو أبو دومه لاحقا .وهو الزعيم الأكبر , الذى يقود جيشا جرارا من طغاة الظلم والإجرام , ضد فلاحين القرى المساكين , البسطاء .
رشا المفترية هى زوجة وأرملة والد بوحه , رحمه الله . والتى تبغض بوحه بشده , وتتمنى أن تفتك به .
حمدى سلسيون ميكانيكى سيارات , نِتِن ْ , من أهل منطقة بوحه , لكنه يدين لبوحه بمبلغ 5 جنيهات , ويصر على أن يفضحه كلما راه ذهابا وإيابا , مع العلم أنه تربطه ببوحه صلة قرابه من بعيد .
عبده الفقير هو رجل عجوز , طيب بطبعه , وأيضا من جيران بوحه المقربين .
طريقة اللعببوحه سيستخدم أسلحته الخاصة , ومصادر إمداده بالطاقة الفولاذية المتجددة , التى ستجعله أشد صلابة , وأشد جرأة , وإقداما , كما ستجعله يتحمل كل الصعاب , والألام .. حتى أنه بالفعل قد لا يشعر بها مع دوام تعاطيه لجرعات الفول المصرى ذو المفعول الخرافى .
التحكم يمكنك تعديله
الأسلحة أسلحة قريبة المدى شومة سنجة فأس أسلحة بعيدة المدىنبلة بندقية رشاش أر بي جي ديناميت القوس الملكي الطاقة يتزود بوحه بالطاقة الرهيبة التى لا تنضب , عن طريق قدر الفول , بحيث كل جرعة تعطية طاقة لا حدود لها , تجعله يقود قطيع من الأفيال , وتزيده جرأة , وجسارة , وإقدام .
مراحل اللعبةالمراحل العشرة بالترتيب المرحلة الأولى : مسقط رأس أبو حديد المرحلة الثانية : العزبة المرحلة الثالثة : المدبح المرحلة الرابعة : عفاريت الأسفلت المرحلة الخامسة : مطاريد الجبل أو" ذئاب الجبل " المرحلة السادسة : سبعة آلاف سنة المرحلة السابعة : معمل التفريخ المرحلة الثامنة : ساحة التدريب المرحلة التاسعة : القلعة المرحلة العاشرة والأخيرة : الإستاد رد على الناس اللى بتقول إن اللعبة ديه عار على مصر, بسبب تواجد شخصية تافهه زى بوحة ده , كبطل للعبة أولا : احنا لما كنا بنلعب ألعاب أمريكية كنا بنقول :" مستحيل أى دولة عربية توصل للتقدم دة " . ولما ييجى يتحقق حلم صنع لعبة عربية ومصرية تقولوا دى عار؟!
ثانيا : المفروض نشجعهم على تصميم المزيد مش نحبطهم ونقول دى عار ... دول شباب بيحاولوا يوصلوا للى موصلوش أى حد ... كفاية الاحباط اللى خدوه من الناس انهم قالوا:"مستحيل تعملوا لعبة" والسخرية طبعا , والسعى لعرقلة مسيرة نجاحاتهم المستقبلية .
ثالثا : لازم نشجعهم على تصميم ألعاب أفضل , وأرقى , فى المستقبل , يعنى نساندهم , يعنى نشترى اللعبة علشان ندعمهم ماديا , ومعنويا , عشان الجودة تتحسن , وإصرارهم على التقدم للأفضل يزيد . وبلاش نسرق مجهودهم وتعبهم , ونشتغل بالهكر , وبرامج الإسطوانة الوهمية لضرب حصانة اللعبة , وسرقتها . رابعا : صحيح اللعبة فيها شوية مشاكل فى الجرافيكس , وربما تفتقد لدقة الأصوات والمؤثرات , وتوافقها داخل اللعبة وكذلك لمنطقية الأداء الحركى أثناء القتال , لكنها برغم ذلك , لا تقل أبدا عن الألعاب الأخرى الشهيرة فى الجرافيك . ولا تنسو أنها أول تجاربنا الواعدة وهى مصرية خالصة , ونحن نفتخر بذلك كثيرا , وبإذن الله سيكون القادم هو الأفضل .
تقييم اللعبةالجرافيكس : 8 من 10الصوت : للأسف 6.5 من 10لأنهم مقتبسينها من الفيلم و طبعا صوت الرزع والصويت داخل فى اللعبة .
اللعبة : ممتعة ورائعة .
ويكفينا كعرب , أن ينضم هذا العمل الرائع , لقائمة الأعمال العربية السابقة والحالية .
وهذه قائمة بأسماء بعض ألعاب الفيديو المنتجة عربياًأالنسر المصري أسطورة زورد أسد الفلوجة أمل الشعوب
تتحت الحصار تحت الرماد
ججنين طريق الأبطال
ززويا
سسادة الصحراء
ققصر الأساطير قريش
قصة اللعبةسأبدأ بكلمة هامشية لى لا يوجد مثيل لتلك القصة , فهى من تأليفى , بعدما إنتهيت من تقفيل مراحل اللعبة , وأعتقد أنها سوف تُذهِل مؤلفوا قصة اللعبة أنفسهم , وذلك لما فيها من تناسق ومنطقية وتسلسل الأحداث , وتوظيف للشخصيات , لخدمة العمل بكل جوانبه .
القصة الكاملة للعبة بعد طول غياب , وشغف إنتظار , وقلق الترقب , أخيرا ينطلق الأمل نحو غد أفضل , ويتحقق الحلم المصرى والعربى بميلاد أول نبته للعبة مصرية تماما ثلاثية الأبعاد , ذات طابع ورونق مصرى وعربى خالص , وتمثل العادات والثقافات الشعبية المصرية , بل وتتحدث باللغة العربية المصرية الدارجة , التى تشعرنا معها بالإنتماء والحنين .
شخصية بوحه أو أبو حديد , هى شخصية مقتبسة من شخصية الممثل النجم الكوميدى اللامع : محمد سعد , الشهير ب " الليمبى " , والذى إشتهر بتمثيل الأدوار الكوميدية الساخرة , والتى عَشِقَََََها الجميع , وأصبحت أفلامه تمثل أهم علامة من علامات السينما المصرية المعاصرة ...
ومن أشهر , وأهم أعماله :1 - الليمبى 2002. 2 - اللى بالى بالك 2003 . 3 - عوكل 2004 . 4 - بوحه 2005. 5 - كتكوت 2006. 6 - كركر 2007. 7- بوشكاش 2008. 8 - الليمبى 8 جيجا 2010.
شخصية بوحه فى الفيلم أما شخصية بوحه أو أبو حديد لاحقا , داخل أحداث اللعبة , فهى لشاب مصرى جرىء مقدام , من الطبقة الكادحة , يعمل جزارا حرا (هههههه) , وهو بالبلدى واد إبن بلد مخربش , جدع , صايع أحيانا , مش ممكن يسيب حقه أبدا , وصاحب صاحبه بجد , كما تتسم شخصيته أيضا بالمرح والطابع الكوميدى كعادة أغلب الشعب المصرى , وبالطابع الهزلى أحيانا لمحاكاة شخصية بوحه , كما فى العمل الفنى السينيمائى الحقيقى , مما يخدم القصة واللعبة ككل , ويزيد من معجبيها , ونسبة ترويجها .
بوحه ينتمى إلى قرية ريفية مصرية , ذات طابع شعبى أصيل , لكن لتلك القرية بالطبع عادات وتقاليد , كما أن لها قوانينها الخاصة أحيانا . تلك القوانين تتمثل فى أن السيطرة دائما للأقوى , ولذوى النفوذ والجبروت . بإختصار قانونهم هذا هو ما يعرف ب " شريعة الغاب " , أو ما نعرفه نحن بقانون " البلطجة " . لكن بوحه البطل المغوار " إبن البلد الجدع " , لن يرضى أبدا بالظلم , ولا بسيادة ذلك القانون , وسيادة تلك الشريعة , عليه , وعلى أصحابه , وعلى أهل قريته الفلاحين البسطاء . لذا سيمضى ليكافح بكل جسارة ضد قانون البلطجة السائد على قريته الريفية , وعلى القرى المجاورة , ثم فى النهاية سيجاهد لدحر وبتر كل أذرع ولاد أبو دومه المحيطة بكل القرى كأذرع الأخطبوط , وسيحاول جاهدا الوصول للرأس المدبره فى مقره السرى , ودحره .
تبدأ أحداث القصة حينما يقابل بوحه أصحابه , وهم فزعين , وفى صورة بائسة , مزرية , ويعلم منهم أنهم قد تعرضوا لعلقة موت من ولاد أبو إسماعيل ( أبو دومه لاحقا ) , ذوى النفوذ والجبروت , مما سيجعل بوحه يستشيط غضبا , ويصمم على أن يثأر لكرامتهم المهدرة , ولشرفهم المُهَان , ويسترد هيبته , وهيبة أصحابه من جديد . لذا يقرر وحده التصدى لعصابة أبو دومه القوية , وأعوانهم بكل مكان . لكنه بطبعه شاب جرىء مقدام , يصل إلى درجة التهور فى أحيان كثيرة . لذا كان يتحتم عليه مقابلة حكيم الزمان " حكيم القرية سابقا " ليرشده ويوجهه حينما يحتاج المشورة والمساعدة . وهو كان أحد الحكماء المعمرين بها , يقال أنه كان يعلم كل شىء , ويصفونه بأنه كان مباركا , وذو معجزات , وكرامات . بل ويفعل الأعاجيب التى كانت تعجز عن وصفها الألسن , وتذهل بها الأعين . لكن ..... ستسألوننى لماذا أتحدث عنه بصيغة الماضى , بكلمة كان ... لأنه مات ... نعم تم قتله بتحريض من أولاد أبو دومه , لأنه لم يرضخ لرغباتهم , ليلبى أغراضهم الشريرة , وأطماعهم فى السيطرة على القرية , وعلى أهلها الفلاحين البسطاء , لغرض نهب خيراتها . لكن روحه ستعود من جديد لمؤاذرة بوحه فى حربه الشريفة ضد الظلم والطغيان , ولمساعدته فى أن ينتقم لأصحابه , ويحرر أهل القرية من بطش وجبروت ولاد أبو دومه المفتريين . وسيبدأ بوحه بتجميع أسلحته التقليدية الشعبية المتاحة له , والتى سيقتنصها من أعداءه أعوان أبو دومه داخل قريته , والمتمثلة فى الشومه , والسنجة , والطوب , والنبلة , ثم المسدس , والبندقية , والمدفع الرشاش , والأر بى جى , والديناميت .......وغيرها . هذا خلاف السلاح المتوفر لديه دائما وهو " التفه الحارقة "
وفى داخل قريته سيقابل رشا الحقودة , زوجة , وأرملة أبيه , التى تكرهه بشده , والتى لا تدخر أدنى جهد لتهشيم رأسه , كما سيواجه الكلاب البرية الشرسة , التى يطلقها أعوان ولاد أبو دومه لإرهاب أهل القرية البسطاء . كما سيتعارك مع الميكانيكى حمدى سلسيون وصبيانه بالورشة , عند مطالبته لبوحه بسداد دينه القديم المتمثل فى خمسة جنيهات كاملة . كما سيتصدى لبعض أعوان أبو دومه , والموالين لهم داخل قريته .
وحينما سيبحث بوحه عن المعلومات عن المقر الرئيسى لولاد أبو دومه , لن يفيده حكيم الزمان مباشرة . بل سيرشده كل مرة إلى مكان مختلف فى نفس الطريق , فقط ليستفيد من جرأة وشهامة بوحه , فى رفع الظلم عن البسطاء , وردع كل أنواع الطغيان . لذا سيخبره بأن العمدة المستكاوى ( عمدة القرية المجاورة ) لديه معلومات أكيدة عن المقر الرئيسى لولاد أبو دومه . وفى طريقة سيتصدى بوحه لبطش أعوان ولاد أبو دومه فى القرية المجاورة ( رجالا ونساءَ ) , والتى تفصلها عن قرية بوحه الترعة القبلية الكبيرة , التى تتمركز بها جحافل البلهارسيا المستوطنه .
لكن العمدة المستكاوى , لا يعلم شيئا عن مقر ولاد أبو دومه , لكنه سيرشد بوحه إلى شخص أخر بإمكانه تزويده بالمعلومات الأكيدة , وهو محروس الضبع , التاجر الذى يعمل بالمدبح . وهناك سيواجه بوحه أعوان ولاد أبو دومه البلطجية داخل المدبح وخارجه , بمساعدة الكلاب البرية الشرسة , والثيران , وبعض الرجال من حاملى البنادق . وحينما يقابله بوحه , سيرشده بدوره إلى شخص يدعى منصور شفيق , وهو سائق بموقف الميكروباس , لكنه سيصل إليه بعد أحداث مثيرة وسباقات مجنونة بالميكروباس , والذى يجب أن يفوز فيه بوحه , ليقابل منصور شفيق . متصديا فى الوقت ذاته لأعوان ولاد أبو دومه , الذين سيتصدون له لعرقلته , ومنعه من الفوز بالسباق والوصول لغايته المنشودة , لأن منصور شفيق هو الشخص الوحيد , الذى يعلم حقا كل شىء عن ولاد أبو دومه ومقرهم السرى . والذى لا يستطيع أعوان أبو دومه إقتناصه , لأنه سريع التنقل , ويتخفى دائما , بمساعدة زملائه سائقى الميكروباس الجدعان . وهنا يقدم حكيم الزمان لبوحه سلاحا سريا , لا يمنحه إلا للأعزاء فحسب , وهو متمثل فى حمار مدرع . نعم حمار مدرع , به مدفع متريليوز , لكنه بطىء . فقط ينقصه الباتيناج لينطلق بأقصى سرعته لإختراق ضواحى المنطقة الآثرية , والأسفليتية بجانب الجرف للوصول لمكان السباق المجنون , ليستولى بوحه على سيارة الميكروباس من أحد السائقين المجانين , ويخوض بها ذات السباق المجنون , ويفوز به . وحينما يصل بوحه إلى نهاية السباق , ويقابل منصور شفيق , يقوم بإرشاده إلى أحد المقرات الجبلية , القريبة للقرى المجاورة , لولاد أبو دومه , والذى تتمركز فيها أعداد كبيرة منهم , لبث الرعب والخوف فى نفوس أهل القرى البسطاء , ويطلقون على أنفسهم لقب ذئاب الجبل .. لكن أهل القرى المجاورة , يطلقون عليهم لقب " المطاريد " .. " مطاريد الجبل " . وهم ذوى عُدَة , وعتاد كبير , يتمركزون فى حصونهم المنيعة , وأبراجهم العالية القوية , وأسلحتهم القوية المدمرة , يرهبهم جميع الخلائق , حتى القوات الحكومية نفسها تخشاهم .
لذا يجب على البطل بوحه , مواجهة مطاريد الجبل من ولاد أبو دومه , والتصدى لهم ودحرهم , وتجميع الديناميت لتدمير أبراجهم الحصينة , وحصونهم المنيعة , وكسر شوكتهم القوية , بالمنطقة الجبلية .
بعد ذلك ستتطور الأحداث سريعا , إلى الأخطر , وستمضى بسرعة متلاحقة الأنفاس , لكن للخلف ... نعم , نحو الماضى السحيق . حيث سيعلم حكيم الزمان أن أبو دومه الشرير , بعد إنكسار شوكته , وفقدانه لسيطرة رجاله على المنطقة الجبلية , سيقرر إستخدام سلاحه السرى للسيطرة على الزمان والمكان , فيستخدم آلة زمنية سرية , كان قد وجدها رجاله بداخل أحد الأطباق الفضائية الطائرة , الذى كان قد سقط متحطما لخلل ما , على كوكبنا الأرضى , داخل المنطقة الجبلية الوعرة . وقد تم الإحتفاظ بهذا الأمر سرا , وبالسلاح السرى الرهيب , ونقله إلى المقر الرئيسى بقلعة أبو دومه السرية الحصينة . حيث سيقرر أبو دومه بنفسه , السفر عبر الزمان والمكان , رجوعا للخلف , إلى عصر الفراعنة المصريين الأجداد , وكان غرضه الشرير , هو سرقة الوثائق السرية من مبنى الأرشيف الملكى الحصين , بمساعدة بعض الخونة من الهكسوس الملاعين . وذلك ليحصل من تلك الوثائق السرية الملكية , على مختلف العلوم والأسرار الخاصة بعلم التحنيط والطب والفلك والفيزياء والإختراعات الحربية السرية الرهيبة , المتمثلة فى ماكينات الإستنساخ البشرية , والزئبق الأحمر , الذى يخدم عمليات الإستنساخ بالطاقة الصافية , ويقوم بتوليد درع من الطاقة الكهرومغناطيسية حول من يقوم بتشغيله , فيحميه من إختراق طلقات المدافع , والقنابل ( أى أنه إختراع رهيب , يخدم أغراض أبو دومه المستقبلية فى السيطرة على العالم ككل ) .
وهنا سيحاول بوحه اللحاق بأبو دومه , ومنعه من سرقة الوثائق السرية الملكية , من مبنى الأرشيف الملكى . مواجها فى طريقة كل أعوان الهكسوس الملاعين , وبعض الفراعنة الخونة , الموالين لهم , ومجاهدا كعادته , لنصرة أجداده الفراعنة , ورفع الظلم والطغيان عنهم . وسيقابل هناك كبير الحكماء لو- أى , وسيفاجأ بأنه ( الجد الأكبر لسلالة حكيم الزمان نفسه ) , والذى سيقتل على أيدى الهكسوس . لكن بوحه لن ينجح فى مهمته تلك ... وسيفوز أبو دومه فى ذلك السباق , ويقتنص الوثائق السرية الرهيبة .
بعدها سيتقابل بوحه مع حكيم الزمان , ليخبره بخطة ولاد أبو دومه للسيطرة على العالم , وذلك بإستخدام ماكينات الإستنساخ داخل معامل التفريخ , لإستنساخ أنفسهم بأعداد لا حصر لها , وتصنيع جيشا جرارا من الرجال ذوى البنية القوية , والبأس الشديد , ويتحصنون داخل حصون قوية , منيعة , ودروع الطاقة الكهرومغناطيسية بإستخدام وحدات الزئبق الأحمر . ومستخدمين كافة أنواع الأسلحة الفتاكة .
وتلك الماكينات داخل معامل للتفريخ , تتصل ببعضها البعض عن طريق سيور جلدية قوية , تربطها معا كوحدة واحدة متكاملة , تتصل بالماكينة الأم , والتى يوضع بداخلها المستنسخ الأصلى , والذى يتم إستنساخه داخل كل الماكينات فى وقت واحد تماما , وخروجه فى نهاية الأمر , عبر السيور عند كل ماكينة , وتلك السيور توجد عليها أحزمه خفية من الطاقة الصافية , تشبه إلى حد ما , طاقة الصواعق . وذلك لإكساب النتاج المُستَنسَخْ الصلابة والبأس .
وحينما سيقوم حكيم الزمان بإرشاد بوحه على مكان معامل التفريخ الشريرة تلك , سيكون لزاما عليه حينها , أن يدمر تلك الماكينات , ليوقف عمليات الإستنساخ اللانهائية . لكن حكيم الزمان , سيرشد بوحه على ضرورة الحصول على بعض من وحدات الزئبق الأحمر, لصنع درع من الطاقة حول جسمه , ليحمتى به من هجمات جحافل المستنسخين . وتدمير السيور التى تربط ماكينات الإستنساخ ببعضها البعض بإستخدام الديناميت , فهى الجزء الأهم فى كل ماكينة , وفى عملية الإستنساخ . كما سيخبره أنه لا يجب أن ينشغل بمقاتلة جحافل المستنسخين , بل يحاول الحصول على البلورة العظمى المشعة من الزئبق الأحمر , التى تولد الطاقة المغذية والداعمة بقوة لكل المستنسخين , وبدونها سينهارون بدنيا ويندحرون .
بعدها سيقرر بوحه خوض الكفاح الأصعب بمفرده , فلم تعد للحكيم حاجة لمساعدة بوحه , ومده بالمعلومات بعد الآن , لذا سيعتمد بوحه على نفسه وجرأته وشجاعته وعزيمته , فى الوصول للمقر السرى الرئيسى لولاد أبو دومه , فى القصر السرى الرهيب . لكنه فى طريقه للقلعة , عليه أن يمر بمراكز التدريب الخاصة بولاد أبو دومه , وسيسعى جاهدا لتدميرهم , وتدمير حصونهم المنيعة , وأبراجهم القوية , وإختراق حصونهم الأخرى التى تحيطها الأسلاك الشائكة من كل جانب , متحديا كافة الأعداء والكلاب البرية الشرسة ,ومستخدما الأر بى جى , ومستعينا بعزيمته التى أبدا , لا تلين .
بعدها سيجد بوحه نفسه فى مواجهة القلعة الحصينة لولاد أبو دومه , وهى مقر القيادة السرى لهم . وعندها سيجد السماء ملبدة بالغيوم الداكنة الصفراء , وبالعواصف الرملية , وسيحيط به جوا ينذر بالرهبة والرعب والتشاؤم . وسيرى قبالته على مقربة من القلعة , بعض المشانق لمن يفكر فى عصيان أمر أبو دومه من رجاله أنفسهم . وسيتربص القناصة ببوحه من كل مكان , فهم يحيطون بالقلعة إحاطة كاملة , وهم تم تكليفهم بذلك بغرض حمايتها وتأمينها . وسيكون على بوحه إقتحام القلعة الحصينة , والقضاء فى طريقة على كل من يواجهه من الأعداء , ومواجها عفاريت أبو دومه التى يقوم بتحضيرها لبعث الرهبة فى نفوس رجاله , للسيطرة عليهم , ولتقديم فروض الطاعة والولاء الدائم له . حتى يصل فى النهاية إلى قمة القلعة عند البرج , مقر قيادة الرئيس أبو دومه الشرير . وحين وصول بوحه منتصرا لمقر قيادة أبو دومه , سيطلب منه التحدى والنزال , وسيختار بنفسه أرض المعركة الأخيرة , والصراع الكبير , وهو إستاد القاهرة الدولى .
سيحضر أبو دومه الرهيب بأسلحته الفتاكة , المتمثلة فى مدفع الذائف الإشعاعية , ويناصره بعض أعوانه الذين نجوا من غارات بوحه المغوار . وسيحضر بوحه معه من يناصره من الورشجية والفلاحين , مع أصحابه ليثأروا بأنفسهم لعلقتهم الأولى , والتى كانت سبب كل هذا الصراع الطويل المرير .
وسيتصارع أعوان بوحه ضد أعوان ولاد أبو دومه عند منتصف الملعب وحول أرجاءه . بينما سيواجه بوحه أبو دومه الهائل الضخامة خلف مدرجات الدرجة الثالثة لجمهور الأهلى الحبيب , وسيمتد الصراع أحيانا , ليشمل المكان تحت المقصورة الرئيسية والراية الركنية . وهنا سيحاول بوحه إستخدام الأر بى جى للقضاء على أبو دومه , ومستخدما الذخيرة الموجودة عند الراية , حتى يسقط أبو دومه , الذى بسقوطه ستنتهى المرحلة , وينتهى الصراع , وتنتهى أحداث قصة اللعبة . بإنتصار البطل المغوار بوحه , ونصرتة للمظلومين , وقضاءه على مصدر الطغيان والبلطجة والإرهاب , ليعيش أهل القرية جميعهم فى سلام وأمان . مرتاحين البال . قررين الأعين . هانئين النفس . فبينهم يوجد .. بوحه الصباح ... صبح .. صبح .. ياعم الحاج .
متطلبات التشغيل System Requirementswindows 2000 xp vista lntel pentium IV 1.7 ghz 512 mb ram cd rom drive or Dvd 128 mb vga روابط التحميل مساحة اللعبة الكاملة 649 ميجا علي السي دي 387 ميجا السيت اب علي الجهاز ولازم تشتغل بالسي دي يعني قول 1 جيجا علي بعض (بس السي دي الاصلي عشان الحماية) يعني ما تحاولش تضربها بصيغة iso ومساحة الديمو 99.4 ميجا سورس الديمو 99.4 ميجا سيت اب علي الجهاز
وهى التى سوف نشرح تسطيبها لا حقا , وسنستخدم معها بعض ملفات اللعبة الكاملة , على أنها كراك لتفعيل تثبيت اللعبة , وهى التى ستجدونها بالملفات المرفوعة لكم .
ملفات من لعبة بوحه الكاملة Boo7a the Gamepart1
download part2
download part3
download demo اللعبة الديموdownload شرح طريقة تسطيب اللعبة بالصور أرجو أن أكون قد قدمت لكم موضوع دسم ولذيذ وشيق به فائدة علمية وأدبية وثقافية . وكثير من المعلومات المفيدة لكم . الى جانب متعة ممارسة ألعاب الكمبيوتر الشيقة .
| |
| |
|