الحمد لله الذى هدانا لهذا وما كنا لنهتدى
لولا أن هدانا الله أبدأ قصتى أنى فتاة عادية جدا كنت باسمع أغانى كتير
وكان تفكيرى كله اخر البوم نزل ايه وباتفرج على الافلام والمسلسلات وماكنتش
باسمع اى دروس دينية خالص حتى أمى وأبى كل ما يحبوا يتفرجوا على أى درس
دينى أو يفتحوا على قران اغير القناة يإما على فيلم اواغنية المهم وأنا فى
البكالوريوس اتقدم لى ابن عمتى شاب مثالى متدين جدا بسيط حافظ القران كله
بالتجويد منذ أن كان فى الابتدائى يعنى ولاكلمة وانا طبعا كان لى مواصفات
اخرىشاب روش كاجوال دماغ عالية فى الفسح وغيره زى ماكنت فاكرة المهم انا
رفضته بس بابا مقتنع بيه جدا وحاسس ان ده الزوج المناسب ليا وده اللى
حيحافظ عليا فوافق بابا وموصلوش ردى بارفض المهم حصلت الخطوبة وانا متنشنة
وزعلانة جدا لانى كنت فاكرة ان حياة المتدينيين كئيبة ومملة وبعد الخطوبة
بدات اتللك على اى حاجة بسيطة واعمل منها مشكلة بهدف انى افسخ الخطوبة بس
ماكنش بيزعل منى خالص وبيقول انى لسه صغيرة ومعنديش خبرة وكان بينفذلى اى
حاجة اطلبها فى تجهيز بيتنا وصلنا لميعاد الفرح فكان طبعا السؤال هنعمل
الفرح فين رد عليا ان مفيش فرح هيتعمل كان له وجهات نظر ان الفلوس اللى
هندفعها فى الفرح نروح بيها عمرة فى فترة شهر العسل علشان مانبداش حياتنا
بمعاصى انا طبعا رفضت بس هو عمل اللى هو عايزه بعد الفرح بيومين نتيجة
البكالوريوس ظهرت وكان معايا مادة طبعا زعلت جدا وقعدت اعيط وزوجى يهدينى
ويقولى لعله خير بعدها بكام شهر بدأت أفكر ماحصلش حمل لغاية دلوقت وكل
اصحابى اللى اتجوزوامعايا حملوا كلك فكنت زهقانة وكنت باعيط كتير وزوجى
يقولى لعله خير اكيد ربنا كاتبلك حاجة احسن من اللى انتى عاوزاه بعدها
بفترة كنت تعبانة جدا وعندى سخونية على طول ومش بتنزل حرارتى فذهبت للدكتور
قالى اعملى اشعة على جسمك كله طلع عندى سرطان فى غدة فى رقبتى كانت حالتى
النفسية متدمرة وكان باب وزوجى بيهدونى ويقولولى الحمد لله على كده حالتك
افضل من ناس كتير وعملت عملية استئصال الورم ولما جيت افك السللك بتاع
العملية الدكتور سألنى انتى طالبة ولا متخرجة قلت له معايا مادة قالى احمدى
ربنا انك طالبة لانك كده هتتعالجى على حساب الكلية لان الجرعات الكيماوى
غالية جدا طيب انتى حامل قلت له لسه ربنا ما اردش قالى احمدى ربنا لانك
لوكنتى حامل كان الجنين اتشوه وكنتى تعبتى اكتر طلعت من عند الدكتور وانا
باقول احمدك يارب وافتكرت زوجى وهو بيقولى لعله خير وبقى عندى يقين 100% فى
ان اللى ربنا بيعمله فينا خير واحسن من اللى احنا عاوزينه وان كل الحاجات
اللى مزعلانى كانت كلها فيها حكمة من الله والحمد لله دى كانت بداية هدايتى
وبأت أخذ العلاج وبقيت اسمع دروس دينية كتير واول درس سمعته الكنز المفقود
وفعلا حسيت بكل صفات ربنا فى فترة تعبى وبقيت دلوقتى حاجة تانية خالص
وعرفت ان حياة المتدينين أحلى حياة فى التقرب الى الله ومعرفة صفاته وسيرة
نبيه (صلى الله عليه وسلم) واتقربت من زوجى كتير وحسيت انه نعمة ربنا
انعمنى بها وبقيت بحبه خاص وكل مافتكر انى رفضه فى يوم من الايام وحمدت
ربنا اننا ماعملناش فرح والا كنت ندمت كتير والحمد لله زوجى حفظنى القران
كله بالتجويد وبقت روحانياتى عالية جدا من صلاة وذكر وقران وقيام ليل وصلاة
الفجر والحمد لله خلصت علاج ويارب كل اللى يقرا قصتى يدعيلى بالشفاء
والذرية الصالحة وان ربنا يثبتنى على ماانا عليه
